Tradizione e commozione

Si sente la rangasce: è “Ravazzone”!
Massere è scite preste li bandiste,
se manghe lu Priore nen s’è viste
e nen ci sta le solite persone.

Ma appene che si spanne chelu sone,
cupe, solenne, cummuvente e triste,
la gente arrive e, tra nu pista piste,
si sciojje pe’ la vie ‘mprucissione.

Fatte lu Borghe e po’ Civitanove,
la Bande va a la Sacche, a li scalette,
sajje a la Fère e ccale a lu Bastione.

Ma chi a st’appuntamente nen si trove,
sentenne chele note da lu llette,
je manne appresse appresse n’orazione.

          *          *          *

Ecche: la bbande tè’ ssunà’ lu “Criste”.
E tutt’attorne, accome è tradizione,
ci sta lu manuvale e lu cafone,
nche l’artigiane e lu professioniste.

Forse da ‘n  ciele l’angele ànne assiste
A sta sfilate tutta devozione,
addò lu sone all’aneme arintone
e chiù dentre ci va, chiù le rattriste.

Pè cquesse chelu piante che si smove
Da ‘na malinconie nate mpette
esce di botte e n’ sa  ‘spettà  nu ccone.

E quille che ugne anne s’aritrove,
‘nzimbre a la bande, l’une all’atre strette,
si fa cchiù bone, e manche se n’addone.

Mario Bosco